بما اننا مقبلين على فصل الشتاء حبينا نعطيك بعض النصائح لقطع لازم تكون متواجده بخزانتك
عشان تكونين بكامل اناقتك بشتاء 2015 .
– الجيلية الفرو
دائما ترجع هالقطعه لعالم الموضه تقدرين تلبسينها مع جينز تايت وتكون القطعه الي فوق بيسك بلون واحد .
– المعطف الي بشكل مشلح
اكثر الموديلات الي دارجه هالسنه وبقوة واهمها شال بيربري والي شفناه على كثير فاشنستا لابسينه
هالقطعه تناسب طلات كثيره كاجوال ورسمية ممكن تنلبس مع جينز وليقنق وحتى تنورة سكيني بكعب عالي !
-الكارديقانز الواسعه
قطعه جميله ودارجه كثير وتجي باطوال مختلفه ممكن تكون على طول جسمك وتتنسق مع قطع ضيقه
وقطنيه او قمصان كلاسيكية ومكن تنلبس مع بوت طويل .
-سويتر رياضي
قطعه صوفيه لكن تكون بستايل وقصه ورسمه رياضيه شوي ممكن تنلبس مع موضه الجينز المقطع
او حتى الشورت .
-القبعه الصوفيه مع موضه البيني
والبسيها مع اطلاله رياضيه منسقه مع جينز البوي فرند او مع فستان صوفي وبوت .
-بوت او حذاء طويل الساق
تبقى هالموضه تمشي معنا حتى شتاء 2015 وتنلبس مع شورتات او تنانير قصيره واسعه او ضيقه
او حتى ممكن ينلبس فوق الليقنق .
-الكنزه الصوفيه على شكل الفستان
من القطع الرائجه وتنلبس مع بوت بساق عاليه وشال كبير او حتى كارديقان طويل .
لاطلاله انيقه واليقنت جداً اختاري هالقطعه الجميله كثير ماركات عالمية وكبيره وايضاً ماركات بسيطه
وفرو هالقطعه بالوان جميله وومكن تزينيها ببروش مميز وممكن هالقطعه تلبس فوق الفساتين او حتى البناطيل الرسمية .