مندي دجاج بالفرن بطريقة سهلة ومع الطعم الشهي واللذيذ وصحة وعافية
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
المقادير :
كوبين رز
٣ اكواب مويه حاره
بصل + ثوم شرايح
طماطم + فلفل حار
عودين قرفه
حبة ماجي ( اختياري )
كم حبة قرنفل وهيل
نص ملعقه كمون
ملعقه شاي كركم
ملعقة طعام ملح
ملعقة طعام بهار مشكل
خل + دجاجه كامله
صفار الزعفران
زيت + فحم
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الطريقه :
نغسل الرز كويس وننقعه بمويه دافيه لمدة ربع ساعه ( هنا استخدمت بسمتي ) ، وعلى القدر نحط شوية زيت ونكشن او نحمس البصل والثوم الين مايشقر نحط الماجي والقرنفل والهيل وبعدين الطماطم والفلفل الحار والبهارات ونقلبهم مع بعض واخر شيء نضيف الرز كذا ابو خمسه دقايق الين ماتاخذ من نكهة الكشنه ونطفي النار ونصب فوقها ٣ اكواب مويه حار او الين مايتغطى الرز بـ ١ او ٢ سانتي ( كل كوب رز منقوع ياخذ كوب ونص مويه ) ( وكل كوب رز ياخذ ملعقة ملح انا هنا حطيت كوبين رز وملعقه ملح عشان حطيت حبة ماجي لانها مالحه لكن لو ماحطيت ماجي احط بكوبين رز ملعقتين ملح ) ونذوق الملح اذا احتاج زياده زودو ، وانتبهو انو كل انواع الرز تختلف من ناحية شربها للمويه بعضها تشرب كاسه وحده وبعضها كاستين او كاسه ونص فأعرفي قد ايش كمية المويه المناسبه لرزك بعدين نغطيها بقصدير ونسويلها فتحات صغيره عشان عصارة الدجاج تنزل للرز ، نجيب الدجاجه المغسوله والمنقوعه بخل وملح ونبهرها بملعقه كبيره بهار مشكل وملح ونص ملعقه كركم ونفرك كل الدجاج ونحطها فوق القصدير ونغطيها بطبقتين من القصدير وندخلها على فرن حار ٢٠٠ درجه من تحت بالرف الوسط لمدة ساعه إلى ساعه ونص حسب حجم الدجاج لو كبيره تاخذ تقريباً من ساعه ونص إلى ساعه و٤٥ دقيقه ولو حجمها صغيره تأخذ ساعه وحده وانتو بعد مايمر الوقت ويبقى منه ١٠ دقايق طلعوها من الفرن وشيكو ع الرز والدجاج اذا استوو ادهنو وجه الدجاج بصفار الزعفران وارجعو دخلوها للفرن من فوق وبدون ماتغطوها بقصدير وبس تحمر طلعوها وحطوها فوق الدجاج وبخروها بشوية زيت وفحم وعلى طول غطوها لمدة دقيقه ، مره لذيذه والريحه طرب جربوها
واستمتعو باللذاذه العربيه ⠀⠀⠀⠀⠀⠀⠀⠀⠀⠀⠀⠀⠀⠀⠀⠀
