طريقة عمل مدفون الدجاج بالأرز بطريقة سهلة وبطعم لذيذ وشهي
⠀⠀⠀⠀⠀⠀⠀
ننقع الدجاج :
بـ ربع كوب خل
ملعقه كبيره ملح
قطع ليمون
⠀⠀⠀⠀⠀⠀⠀
للتتبيله :
حبتين طماطم
٣ فصوص ثوم
حبتين فلفل حار
نص كوب زيت زيتون
ملعقه كبيره كمون
ملعقه كبيره بهار مشكل
ملعقه كبيره ملح
نص ملعقه صغيره كركم
نص ملعقه صغيره فلفل اسود
نص ملعقه صغير صفار الزعفران
⠀⠀⠀⠀⠀⠀⠀
كاستين رز منقوعه + مويه
ملعقه كبيره ونص ملح
⠀⠀⠀⠀⠀⠀⠀
بقدر الضغط :
بصل
فلفل رومي
طماطم
بطاطس
ثوم
فلفل حار
٢ لومي
خولجان
⠀⠀⠀⠀⠀⠀⠀
الطريقه :
ننقع الدجاج لمدة ربع ساعه ونغسله كويس ونسوي التتبيله بالمقادير المكتوبه فوق وممكن تتبلوها قبل بيوم ، وبقدر الضغط حطوا الخضار اللي تحبوه ومو شرط تتقيدوا بنفس اللي سويته بعدين نحط البهارات الصحيحه ( لومي وخولجان ) وفلفل حار لو تحبوا وثوم مغسول وبعدين نحط الدجاج ووجه الدجاج يكون اسفل القدر والعظام فوق ونغطي قدر الضغط ومانحط مويه لانو بقدر الضغط يتكتم وموية الدجاج والخضار راح تنزل وتنطبخ فيه بس اهم شيء بعد مانغطي قدر الضغط نخلي النار عاليه واول ماتبدأ تصفر نهدي النار ع الوسط ونحسبلها ٢٠ دقيقه ونطفي عليها ، بعدين نسوي الرز هنا سويت كاستين رز نقعتها بمويه حاره وملعقة خل وغسلتها بمويه بارده ونحط الملح والهيل وكمية المويه عادي لو زودتي لانو راح نطبخه نص استواء لمدة ٧ دقايق ونصفيه ونحطه فوق الدجاج مع شوية صفار الزعفران منقوعه بمويه ونغطي قدر الضغط ونخلي النار عاليه واول ماتصفر نهدي النار ع الاخير ونحسبلها عشره دقايق بس ويكون غدانا جاهز ومستوي
⠀⠀⠀⠀⠀⠀⠀
– تقدروا تسووها بقدر عادي بس يُفضل يكون سيراميك او تيفال يعني قدر مايلصق فيه الاكل وراح يطول معاكم في الطبخ يعني ممكن الدجاج يستوي من نص ساعه الى ٤٥ دقيقه
