طريقة عمل غريبة العيد هشه ولذيذه وبطريقة سهلة وأفضل من الجاهزة
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
المقادير :
اصبعين زبده ٢٠٠ غرام ( يعني كل اصبع ١٠٠ غرام )
نص كوب سكر بودره مطحون
كوبين دقيق
رشة ملح
فستق
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الطريقه:
الزبده ضروري قبل مانستخدمها تكون بدرجة حرارة الغرفه وممكن تستبدلو السمن بالزبده بنفس مقدار الزبده اللي هو كوب وبعدين نخفق السكر والزبده الين مايصير قوامه كريمي بعدين نضيف كوبين دقيق ورشة ملح وبعدين نعجنهم باليد او بالعجانه بس لاتكثرو عجن الين مايختفي الدقيق ويكون متماسك نوقف ونغطيها وندخلها الثلاجه لمدة ساعه عشان تتماسك وتقدرو تشكلوها ، بعدين ناخذ قطعه صغيرة او بالحجم اللي تحبوه انا اخذت كوره صغيره وعجنتها بيدي كويس وبعدين كورتها ( سبب العجن عشان تكون متماسكه وماتتفتت وقت الاكل ) ونرصهم بصينيه عليها ورق زبده ونخلي مسافه بسيطه بين كوره والثانيه لانها تتمدد شيء بسيط ونحط فوقها نص حبة فستق ونكون مشغلين الفرن من قبل على حرارة ١٨٠ درجة ، ندخل الصينيه ونستودعها الله لمدة ١٠ دقايق من تحت ولاتطولو اكثر من وقتها عشان مايصير بسكوت قاسي واول ماتطلع من الفرن تكون طريه عادي خلوها ولاتمسكوها راح تبرد وتتماسك لوحدها زيها زي الكوكيز ومره ماانصحكم تذوقها من اول يوم لانو طعمها يختلف بعد ثلاث ايام اهم شيء ماتدخل الثلاجه ونحطها بأي غرفه.
