ليس غريب أن تكون الأنثى السعودية مبدعة، رغم الظروف المحيطة بها والصعوبات التي تواجهها في الكثير من المجالات، إلا أنها استطاعت أن تفرض نفسها بنجاح دون الإخلال بما يقتضيه ديننا أو مجتمعنا. ومن هذا المنطلق نسعى لأن نسلط الضوء على بعض المبدعات السعوديات رغم إيماننا بعدم القدرة على تسليط الضوء على جميع المبدعات السعوديات.
الشيف هدى هي #شيف_أنثى لهذا الأسبوع في قسم #مبدعةسعودية.
إعداد: تركية الخطيب
- عرفي عن نفسك؟
أخت وصديقة وخالة و أم الجميع
هداوي العفويه أم لأربع بنات وولد
- كيف كانت البداية ومتى؟
من أيام الإبتدائي أي شي نسويه بالتدبير المنزلي أطبقه من البيضه المسلوقة إلى المحمّر والمشمّر
- ما هي الصعوبات التي واجهتك في بداياتك؟
بالبداية ما كان فيه وصف كامل ومتكامل لأي شغله نبي نطبخها مثل الحين منتديات و يوتيوب وكتب, حتى الكتب ما كانت بنفس الوضوح بالوقت هذا
أعتز بكتاب أصول الطبخ السعودي والشرقي للكاتبه رابحه أحمد حافظ كان إهداء من الوالد لنا أنا وخواتي, وأكثر وحده طبقت من الكتاب أنا وكان فيه بعض المقادير ما تتوفر بذاك الوقت أثناء تنفيذ الوصفه اللي اضطر أستبدل شي بشي ثاني. وللحين أحتفظ بالكتاب وارجع له أوقات.
- كيف تعلمتي وصفاتك؟
وصفات تجي من إختراعاتي ومتابعة برامج الطبخ باليوتيوب وقنوات الطبخ مثل فتافيت, وشي من تجارب الغير وشي من كتاب النخبه.
- هل تذكرين أول وصفة قمتي بها؟
هههههههه ساندوتشات دجاج وبطاطس مقلي وبيض وجبن لأخواتي أيام الأختبارات ما كنت احب أطول بالمذاكره وأستغل الوقت في المطبخ.
- هل لتخصصك الدراسي علاقة في ابداعك بالطبخ؟
لا أبداً
- ما هي نقطة التحول التي جعلتك تهتمين بالمطبخ؟
أنا ترتيبي الثانيه من الاخوات وكانت الوالده تعتمد علينا كلنا بكل أمور البيت والتنظيف والطبخ وتسوي جداول, بس اللي بالواجهه أختي الكبيره وهي محور التعليم المباشر والاعتماد الكلي.
وفي ثاني ثانوي رحنا للحج أنا وخواتي الكبيره واللي أصغر مني رحنا بدون الوالده مع مجموعه حريم من أقاربنا و وقتها كانت الحملات توفر لك مكان و أنت تدبر عمرك بالوجبات, قالت لنا أكبر الحريم اللي معنا بعد الهَدِي كل يوم على ثنتين الوجبه ومافيه إلا خرفان, صار دوري مع أختي اللي أصغر مني يعني أنا اللي بوجه المدفع و حاولت أتهرب و ماقدرت..بس الحمدلله عدت على خير و ضبطت معاي
- ما هو المطبخ المحبب لك ، الشرقي – الغربي – الخليجي؟
أغلب شي الشرقي والخليجي
- هل هناك موقف محرج أو مضحك سبق وأن واجهتيه مع أحد العملاء؟
أتذكر أول ما تزوجت طلب مني زوجي أسوي مطازيز لأهل زوجي وتجمعوا عندي بالمطبخ و ام زوجي و أخواته، وكنت مجهزه الخضار والعجين وكل شي، و ارتبكت و حطيت الخضار بدون ما أغسلها.
ومره كان عند زوجي رجال جهزت القهوه بهيل وجاني وطلب قهوه بدون هيل بس مسمار اللي هو قرنفل استعجلت وسويت وحطيت شي… يوم راحو الرجال ناظرت العلبه اللي استخدمت على اساس انه قرنفل طلع ليمون أسود!
- ما هي وسائلك للتواصل مع الآخرين والرد على استفساراتهم؟
الأهل و الأخوات و الأصدقاء عن طريق الواتس أب و البلاك بيري ماسنجر أو المكالمات, والمتابعين لي بالإنستاغرام عن طريق التعليقات أو الرسائل الخاصة
- ما هي حساباتك في مواقع التواصل الاجتماعية؟ وكم عدد المتابعين؟
سابقا بالمنتديات والوقت الحالي بالإنستاغرام @hdawe11 ومتابعيني 17.5K
هم الخير والبركه الله يجعلني خفيفه على قلوبهم وقريبه منهم
وصفات من إعداد المبدعة السعودية هدى :
ميني ببروني بجبنة البارميزان والبهارات الايطالية
