حب النفس والنرجسية الي كانت بالبريطانية غريس غيدلر خلتها تقرر تتزوج نفسها بعد احساسها بالوحده لمدة 6 سنوات !
غريس غيلدر والي تشتغل كمصورة فوتغرافية تزوجت من نفسها ببيت ريفي بمدينة “ديفون”
اثناء حفل حضر له حوالي 50 شخص من المدعوين من اصدقائها وعائلتها .
ومثل ماقالت صحيفة “ذا غارديان”البريطانية ان العروس اكدت انها سوت هالخطوة بعد احساسها بالوحده
الي دخلت لحياتها وتعمقت فيها لمدة 6 سنوات , ومن هالسبب اقدمت على هالقرار الغريب !
واستوحت غريس غيدلر فكرة زواجها من نفسها من اغنية Isobel للمغنية الآيسلندية “بيورك” ,
وهي تحتضن نفسها في المراية الي عكست صورتها، وقبّلتها !
قالت غريس عن ردود الافعال الي جتها من المدعوين لحفل زواجها ,والي كان بعضهم مؤيد قرارها
ورغبتها بتطوير علاقتها بنفسها وطبعا البعض الثاني تعامل مع الخبر بسخرية !
وقالت غريس ان بعض ردود الافعال عكست عدم قدرتهم على الفهم وان هالتصرف ماهو الا انعكاس لحبها لنفسها.
واكدت بنفس الوقت انها مو مهتمه لكلامهم وتعليقاتهم بقد ماهي مهتمه عن الاشياء الي تسعدها فقط .
