تعرفي على مقاييس الحواجب الصحيحه

الحواجب جزء مهم جداً بالوجه وممكن انه يغير من ملامحك كلياً وبرضو مهم بالميك اب ,

هي يمكن اول شي يتضبط اثناء الميك اب ويعطي طله مختلفه لك .

فيه كثير انواع حواجب وكثير بنات يعتمدون على الصالونات برسمها .

برسم الحواجب لازم تتأكدين من ثلاث نقاط مهمه

هذي الثلاث نقآط بتساعدك كثير لما ترسمين حواجبك ولما تحددين شكلها 

 -رآس الحاجب لازم يكون على نفس استقامة مدمع العين ..هذا الشكل الصحيح وهو المقياس الثابت 

– نهاية الحاجب مع خط مستقيم مائل مع زاوية الانف مثل الصورة  

ومنتصف الحاجب يمر بزاوية الانف الى مثلث الشفه العلويه من جهة الحاجب .

اصحاب الحواجب العريضه محظوظين بحواجبهم وغالبا تترك طبيعيه من دون تعديلات اذا كانت ماتحتاج بيطلع شكلها حلو

مثل كثير من فنانت هوليود الي يتميزون بالحواجب الكثيفه

لكن هذا مايعني انه اي حواجب كثيفه ماتحتاج تعديل بس ممكن يكون تعديلها بسيط جداً

 وبرضو فيه ناس تبالغ جداً بكثافة الحواجب واتوقع هالشي شفناه كثير عندنا

الحواجب الخفيفه ناعمة وتعطيك حريه باختيار الرسمه عكس الحواجب الكثيفه

  وفيه اكثر من طريقه لرسم الحواجب الرقيقه

  1- القلم السائل.. يكون مثل الوان الفولوماستر  لكنه قلم مخصص للحواجب

وفيه راسين راس عريض حاد وراس مدبب صغير..يعطي شكل مثل حواجب التاتو لانه يعطي لمعه .

 2- الفرشاة المشطوفة او الحادة..تستخدم لرسم الحاجب طبعا بشكل حاد ودقه

  3-بودرة الحواجب..هي لتعبئه الحواجب للي ماتحب حواجبها تكون غامقه جداً

  4- قلم الحواجب ..وهو اسهل وافضل الطرق لانه بس يحتاج تبرينه ويكون حاد وسهل الاستخدام  .