جمال

تعرفي على الخطوات المهمه لمكياج زفافك

ellieBride

اي شي بالمكياج ممكن تسوينه وتعدلينه بالايام العادية صعبه جداً تعتمدينة بيوم زواجك .




ماينفع تتنازلين وتسوين مكياج انتي مو متأكده من شكلك فيه وقناعتك فيه قبل كذا .

ولهذا السبب فيه خطوات لازم تسوينها وتعتمدينها قبل يوم زواجك .

اختاري فاونديشن مناسب لنوع بشرتك ولونك بعد لانه لازم تحطين بحسبانك انه راح يكون فيه الكثير من الاضواء

والالوان والي كلها راح تكون موجهه لك وقتها , اختلاف لون الفاونديشن عن بشرتك ممكن يبين بسهوله

تحت الاضواء القويه , والفاونديشن مهم جدا لاكتمال جمال مكياجك .

وخطوة انك تسمرين بشرتك او تبيضينها بيوم زواجك هي خطوة في غير مكانها

وممكن تعطيك نتيجه عكسيه وغير الي انتي متوقعته .

ومن شروط دوام المكياج وقت اطول انك تستخدمين منتجات ضد المويه من اي لاينر وماسكارا وحتى فاونديشن,

عشان تقاومين اي دموع بالمناسبه ممكن تخرب اطلالتك .

لا تجربين اي صيحات جديده بيوم زواجك لانه لحظه غير مناسبه جداً وماراح تكونين ضامنه هالصيحه هل هي

راج تناسبك وتطلعك جميله او العكس , يجب ان تعتمدين الطلات الي انتي متعوده عليها بحيث تعبر اكثر

عن شخصيتك .

من المهم انك تسوين بروفا للمكياج قبل الزواج باسبوع  على الاقل عشان تعرفين وش الالوان الي تليق بك

وتاخذي فكره عامه عن مسبقه عن اطلالتك وتكونين مرتاحه نفسيا وعارفه الطله الي راح تطلعين فيها ولايكون هناك اي مفاجآت غير مستحبه .


Loading...


اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *