ادوات كثيره نجهل كيف نستعملها استعمالات ثانوية لو خلصنا من استعمالها الاساسي
وتكون مفيدة جده وبرضو توفر علينا مصاريف اكثر من ناحية ثانية !
فرشة الاسنان من اهم الادوات الي نستخدها بشكل يومي ومهمه جداً لكن مع مرور الوقت لازم نبدلها بجديده
وبدل مانرمي القديمة نقدر نستعملها استعمالات ثانيه مفيده .
-البقع على الجدران : حجم الفرشاة الصغير وقوة شعيراتها بتكون مفيده بتنظيف البقع الصعبه الي على الجدارن
او حتى الي بالاماكن الصغيره الي مانقدر نوصلها باليد وجربي استعمالها مع معجون الحلاقه بتفاجأك النتيجه
وكانها انصبغت من جديد خصوصاً مع بقع الاقلام والحبر .
-تنظيف فرشة الشعر : بالضبط استعيني بفرشاة الاسنان الصغيرة لتنظيف فرشاة الشعر الكبيرة ,
بتقدر بسهوله انها تشيل الشعر العالق بفرشة الشعر من خلال حركتها الافقية والعمودية المتكرره .
-تمشيط الحواجب :لو مالقيتي الفرشة المخصصه لحواجبك تقدرين تبدلينها بفرشاة الاسنان وخاصه الصغيره
بس بلليها شوي ومرريها على حواجبك لين تتكون بالشكل الي تبين .
-تنظيف الاظافر : خاصه لمن تكون اظافرك قصيرة بس تحتاجينها تكون مبللة وشوي صابون
وراح تنظف مع تمرير الفرشاة عليها .
-تنظيف المجوهرات : ودائما مانتأزم من الوسخ الي يدخل بتفاصيل القطع والاكسسوارات وتكون صعب الوصول لها
فرشة الاسنان تقدر تشيل لك الاوساخ وبسهوله بتمرير بسيط عليها .
