على انه مر على وفاة الاميره ديانا 16 سنه
الا انه لمن الان وكل فتره يطلع سر من اسرار حياتها للاعلام والناس
وخاصه اسرار حياتها الخاصه الي تشد اهتمام الناس لها بشكل كبير بكل انحاء العالم
مجلة “Vanity Fair” اجرت تحقيق كبير وموسع عن علاقه الاميره الراحله ديانا بجراح القلب المسلم الباكستاني الاصل حسنات خان
والي صرحت احدى صديقاتها الي كانت متزوجه من احد اقرباء الجراح انها كانت مغرمة به جداَ
وكانت تبي تكون معه مهما كلف الامر .
حتى لو كلف انها تهرب وتستقر في باكستان عشان تكون قريبه منه وهالشي خلاها تتقرب من عائلته
و في زياره لها لباكستان التقت باخواته وطلعت معهم بجوله بدون حراسه عشان تتقرب منهم اكثر
الا ان هالعلاقه فشلت لمن تعرفت الاميره على دودي الفايد الي توفى معها اثناء الحادث
والي تعرفت عليه عشان تثيره غيرة حسنات خان لا اكثر !
واكثر شي ساعد علاقتهم نها تنتهي هو ان الجراح الباكستاني كان متمسك بسريه هذي العلاقه
وهو الي خلى الاميره ديانا تقول “إنه الوحيد غير المستعد لبيعي أو لاستغلال علاقته بي من أجل الشهرة والأضواء”.
