الجميلة شيرين عبدالوهاب

شيرين عبدالوهاب مطربه مصريه وام لطفلتين

ستايلها بشكل عام يعتبر حلو ومناسب للمناسبات الي تطلع فيها

وهي من اكثر الفنانات الي شفتهم يسمنون وينحفون .

بداياتها باللبس طبعا كانت اقل من عاديه بما انها تجاري الوقت والموضه الي كانت فيها

بس الحلو فيها انها تتطور باستمرار وتمشي مع الموضه بشكل حلو ومترب وغالبا بلبس يناسبها ويناسب لونها

يعجبني كثير الفوتوشوتز الي تسويها شيرين تطلع ناعمة وبسيطه بس بنفس الوقت جميلة

حاولت بقدر الامكان اني ارتبها مع ترتيب السنوات وتطور وتغير شكلها

وجه شيرين مايناسبه الميك اب الثقيل , اغلب طلاتها وصورها تعتمد الميك اب البسيط والخفيف

يبرز مناطق الجمال بوجهها وبنفس الوقت مايسوي تغيير كبير بملامحها مثل الي نشوفه على فنانات ثانيات

بالنسبه لطلات حفلاتها شفناها بعدة اشكال بما انها تسمن وتنحف كثير غير حفلاتها الي غنت فيها وهي حامل

طلاتها بالفساتين

اول طلتين هم اقدم طلتين لها ومايحتاج اي تعليق واضحه مره 🙂

فستان اطفال 🙁

التايقر لو عليها بس طبعا عليها وهي ناحفه احلى بكثيييير

هنا حامل احس ماودي اقول شي لطلاتها وهي حامل لان واضح انها تافله العافيه من الطوق الي لابسته 🙂

الاصفر درجته مناسبه ومناسب للونها

بس الموديل كانه حق اطفال ماحبيته ابدا

هذا وده يصير حلو بس مدري فيه شي غلط عجزت اعرفه :/

مشكلتها ماتعرف الي يناسبها اذا سمنت !

هذي بجلسات وناسه لا اللون ولا الموديل حلوين  :/

الحلو بشيرين انها تغير

وتطلع بطلات بسيطه جدا و كاجوال حتى بالحفلات !

هنا ببرنامج تاراتتا طلتها جدا ناعمة وحلوه والبرنامج كذا نوعيته مايعتبر برنامج سهره

وحلو انها ماتكلفت باللبس

برنامج التفاحه مع نيكول سابا مره كيوت وطالعه كتكوته جدا طلتها جدا ناعمه ومريحه للحين

اغرب طله الي بالسوت حسيتها شطحت شوي بس جريئه يوم سوتها

برنامج ذا فويس فساتين الاعلان جميله مره وحبيتها علبها

الاسود رائع ! والتيفاني او الاخضر ناعم وموديله معتاد نوعا ما

بس هي ماقد لبسته

نجي للاورنج والكحلي الي هو من تصميم فكتوريا بيكهام اشوف انه بسيط جدا ماهو شين ومع كذا لبسته اكثر من فنانه منهم احلام وانتشر مره  

لبسها جميل وفيه تنورع بالاالون والموديلات ماحصرت نفسها بستايل معين

والطله الي لمن الان مبهرتني وحابتها جدا طلتها مع نيشان ببرنامج انا والعسل برمضان الي فات

جميلة جميلة جميلة !

الفستان الموديل الالوان  الميك اب الشعر كل شي كان بيرفكت ! كانت طلتها رهيبه لو بيدي نزلت اكثر من صوره لنفس اللبس 3>

اخر طلاتها كانت ببرنامج ارب ايدول الاسبوع الي فات

مسكينه واضح انه جسمها من الاجسام الي قابله للسمنه بشكل سريع

لانها هنا ماكانت نحيفه , بس مو السمنه الي بباقي الصور

حسيت انها اول مره تلبس لبس وموديلات مناسبه لحجم جسمها

طلتها اليقنت جدا وناعمه  حبيتها